Рубрика: Бэлиэ түгэн
17/12/2023 г.
Ахсынньы 16 күнүгэр Саха Академическэй драма тыйаатырыгар Саха норуотун суруйааччыта Николай Лугинов 75 сааһын туолбут юбилейдаах киэһэтэ үрдүк таһымнаахтык ааста.
Николай Алексеевич юбилейыгар Саха бырабыыталыстыбатын бэрэссэдээтэлин солбуйааччы Сергей Местников, Култуура уонна Духуобунас миниистирэ Афанасий Ноев, Суруйааччы сойууһун бэрэссэдээтэлэ Гаврил Андросов о.д.а биһиги уобсастыбабыт бастыҥ дьоно кэлэн эҕэрдэлээтилэр. Бу дьоро киэһэҕэ Саха тыйаатырыгар Николай Лугинов улуу айымньыларыттан быһа тардыылар таҕыстылар. Ол курдук: «Алампа, Алампа», «Кустук», «Чыҥыс Хаан ыйааҕынан», «Улуу Хууннар» о.д.а. айымньылар көрөөччүлэр сүргэлэрин көтөхтүлэр.
