Рубрика: Сүүтүк сүбэлэр
02/09/2024 г.
- Собо үөһүн тэспэккэ ылан, хатаран хаппахтаах иһиккэ мунньабыт. Манна тыыннаах балык киэнэ быдан көмөлөөх. Биир ыстакаан оргуйбут ууга биир устуука кыра үөһү суурайан баран, сарсыарда аччык куртахха истэххэ, иһи-үөһү сымнатар, ыраастыыр, тахсан киирэри сааһылыыр. Манныгы үс күнтэн уһуннук испэккин.
- Хаппыт үөһү туттар буоллахха оргуйбут ууга кутан баран хаппахтаах хоннороҕун уонна сарсыарда иһэҕин.
- Бу ырысыабынан ириҥэлээх күөмэйи сайҕаннахха, 1-2 күнүнэн аһараҕын.
- Илии-атах быстах бааһыран, ириҥэрэн өр оспотоҕуна, үөһү бэйэтинэн бүлүүһэҕэ тэһэн баран, бааталаах палочканан кытыытын төгүрүччү сотоҕун. Бааһы бэйэтин таарыйбаккын. Остоҕун, хатардаҕын аайы сыыйа киирэн иһэҕин.
- Төбүрүөҥҥэ эмиэ туһалыыр. Ол эрэн, куртах ыарыылаахтар сэрэниэхтэрин наада.
“Соботтон 38 бүлүүдэ” кинигэттэн
