Рубрика: Сүһэн ыл
Билиҥҥи кэмҥэ оонньуур талбыта баар, оҕо маҕаһыына эмиэ дэлэй элбэх. Ол эрэн, ийэ, эбээ, эдьиий бэйэлэрин илиилэринэн ис сүрэхтэриттэн оҥорбут оонньуурдара оҕоҕо туохха да тэҥнэммэт күндү буолар. Ааҕааччыларбытыгар анаан оҕо толкуйдуур дьоҕурун сайыннарар, таҥаһынан тигиллибит кинигэ оҥоруутун таһаарабыт.
Араас өҥнөөх кытаанах, сымнаҕас фетр, хлопок матырыйааллар наадалар.
Бастатан туран, кинигэ ис тутула хайдах буолуохтааҕын толкуйдаан баран киэптэри кырыйаҕыт уонна тикпитинэн бараҕыт. Илиинэн эбэтэр иистэнэр массыына көмөтүнэн оҥоруоххутун сөп. Бу кинигэ кээмэйэ 15х15 см. Оҕоҕо аналлаах оҥоһуктар бөҕө-таҕа буолуохтарын наада, ол иһин хаачыстыбалаах матырыйааллары туһаныҥ. Эбии араас тимэхтэри, оҕуруолары туттуоххутун сөп.
Мария ПАВЛОВА
