«Хойуннарбыт» үүт миинэ

«Хойуннарбыт» диэн үүт миини өбүгэлэрбит хайдах оҥороллорун билсиҥ. 1 лиитирэ оргуйбут үүккэ 2 ньуоска сүөгэй куталлар, 5 гр. курдук унньуула от хатарыллыбыт силиһин мэлийэн буккуйаллар уонна ытыгынан ытыйаллар. Сайыҥҥы миин бэлэм буолар. Үүт аҕыйах кэмигэр, күөх үүккэ арыы уутун буккуйан, унньуула силиһин мэлийэн кутан эмиэ астыыллар. «Хойуннарбыт» эбэтэр «хоонньорбут» үүт миини ордук окко саҥа киирбит дьон хатарга бэлэмнэнэн киэһэтин иһэллэр. Бу кэмҥэ аһытыллыбы кымыһы, суораты, тар үөрэтин эҥин аһаабаттар. Ардыгар хойуннарбыт мииҥҥэ отон илдьиритэн кутан минньитэллэр.