Рубрика: Сир уоҕа
28/12/2023 г.
Халлаан төһө тымныйар даҕаны киһи күөх сайыны суохтуура улаатар. Бу, саха биир бастыҥ ыалын Антонина Петровна уонна Степан Ефремович Сивцевтэр — Талланнар сайылыктара. Кинилэр киһи сөҕөр үчүгэй үүнээйилэрин үүннэрэллэр. Олортон биирдэстэрэ 18 саастаах «Сибирская дичка» диэн икки дьаабылыка мастара буолаллар. Мастар 3-4 саастарыттан кыралаан сибэккилээн барбыттар. Билигин көрөргүт курдук хойуу, кэрэ көстүүлэринэн олус сөхтөрөллөр. Хаһаайыттар мастарын оҕо курдук таптыыллар, аһаталлар, быһыытын-таһаатын оҥороллор. Ол манньатын мастар сыллата улахан горох саҕа дыргыл сыттаах дьаабылыканы өлгөмнүк биэрэллэр. Онон хомпуот, утах, бөрүөк астаан Талланнар оҕолорун, сиэннэрин, ыалдьыттарын күндүлүүллэр.
