Рубрика: Служебная: Слайдер на главной
04/09/2024 г.
Күндү доҕоттор!
Тапталлаах “Далбар Хотун”сурунаалбыт алтыс нүөмэрэ таҕыста!
- Сурунаал сирэйигэр НВК “Сахаҕа” 40-н тахса сыл айымньылаахтык үлэлии сылдьар, дьон биһирэбилин ылбыт биэриилэр ааптардара Антонида Новгородова таҕыста. Кини идэҕэ бэринии чаҕылхай холобурунан буолар. Үлэни дьолунан ааҕар саха далбар хотуна тус олоҕун эмиэ сөпкө тутан олорорун туһунан сиһилии ааҕыаххыт.
- “Хоту дойду королеватынан” ааттаммыт Анастасия Лыткина олорбут олоҕо, тэлбит айар суола манна баар.
- Мария Нартахова үрдүк дьоло, үрдүк анала.
- Саха үрүҥ тыынын өллөйдөөбүт тарбыт барахсан. Тары хайдах оҥоруохха? Ол туһунан сиһилии билиэххит.
- Европаҕа бастаабыт бөҕөспүт Лев Павлов алаһа дьиэтин сылаас холумтана.
- Саҥа рубрика: Сир түннүгэ. Ульяна Винокурова сахаҕа өрүс суолтатын туһунан суруйуута.
- Саҥа ааптар Мурустаал биир кэпсээнэ. Соҕотох туруйа кэриэтэ дьылҕаланыы…
- Оскуола боруогун саҥа атыллаан киирбит оҕолоох ийэҕэ уйулҕаһыт сүбэтэ.
- Аныгы дьиэ тутуута, ис бараана.
- Куорат биир саамай мааны тэлгэһэтин хаһаайкатын Тамара Саввинова ханнык үүнээйини олордор эбитий?
- Иистэнэр хаһаайкаҕа сүбэлэр, үтүлүк киэбэ.
- Сандалыбыт минньигэс астара.
Биһигинниин бииргэ астааҥ!
«Далбар Хотуну» ааҕыҥ, сурутуҥ!
