Рубрика: Сүүтүк сүбэлэр
Дейл Карнеги холобурунан «Кэрриэр» диэн Америка салгыны ыраастыыр тиэхиньикэни оҥорор корпорациятын салайааччытын Уиллис Х Кэрриэр кэпсээнэ: Биирдэ элбэх үп угуллубут тиэхиньикэтин атыылаары тургутуу оҥорбуппут табыллыбакка, собуот хоромньуга киирэр туруктаммыта. Мин онтон санаам түһэн дөйөн хааллым, утуйбат, аһаабат буоллум, устунан ыалдьан бардым. Онтон санаатым — бу санааттан-онооттон туох да тупсубат, кыһалҕаны быһаарар толкуй тобулуохха диэн.
1. Барытын хат ыараҥнатан көрдүм. Ордук омсолооҕо туох буолуон сөбүн ырыттым. Үлэбиттэн үүрбэттэр, хаайыыга укпаттар, ытан кэбиспэттэр. Үп укпут дьон аккаастаныа оччоҕо собуот 20 000 доллары сүтэриэ.
2. Бу кыһалҕаны кытта эйэлэһиэххэ диэн бэйэбэр эттим: сирэйим киртийиэ, үлэттэн көтүөм, ол эрээри атын үлэни булар кыахтаахпын. Хампаанньа тургутуу табыллыбатаҕын билэр, онон үп онно ороскуоттаммыта диир кыахтаах. Бу санааттан чэпчии түстүм, утуйан хааллым.
3. Кыһалҕаны кытары киирсэр күүс киирдэ. Холкутук, ыгылыйбакка саҥа былаан оҥорон, ордук элбэх үбү киллэрбитим.
