Рубрика: сонун
22/12/2023 г.
Ил Дархан Айсен Николаев үүнэр 2024 сылы «Оҕо сылынан» биллэрдэ. Онон кэлэр сылга оҕону иитиигэ, оҕо доруобуйатыгар улахан болҕомто ууруллар буолуоҕа.
2024 сылга оҕо сайыҥҥы сынньалаҥын тэрийиигэ, дьарыктаах буолуутугар күүстээх үлэ ыытыллыаҕа. Оттон тыа сиригэр оҕолорго аналлаах үлэ, экология, спорт лааҕырдара тэриллэллэрин өйүөхтэрэ.
«Куоракка, улуустарга олорор оҕолор төрөөбүт дойдуларын үчүгэйдик билиэхтээхтэр, кэрэхсэбиллээх сирдэригэр сылдьан билсиэхтээхтэр», – диэн Ил Дархан санаатын эттэ уонна бизнес-холбоһугу кытта бырабыыталыстыбаҕа, өрөспүүбүлүкэҕэ 20 экскурсионнай уонна туристическай сырыыны тэрийэллэригэр сорудахтаата.
